ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

ஐம்பூதங்கள் – ஆகாயம்

ஐந்துவகை யாகின்ற பூதவகை யாவதிலே
ஆகாய வெளி யானதே
ஆரம்ப மாகின்ற மூலப் பிரகிருதியின்
அச்சார மான வித்து
விந்துவடி வானதென வேறுவடி வாயுலகில்
விளைகின்ற சக்தி எல்லாம்
வேறானதும் அண்ட வெளியானதும் சிவன்
வேதவடி வான நிலையே
ஜந்துஜன தாவர சகலபொருட் காவுயிர்
ஜகத்திலே விரித்த போர்வை
சக்தியே சிவஞான சித்தியே ஞானகுரு
சங்கரா உனது பார்வை
சிந்தையா காயமென் சீவனுன் உபாயமெனும்
சிவஞான யோகம் அருள்வாய்
சின்மயா நந்தனே உண்மையா தென்முகச்
சீர்வடிவே ஞான குருவே