ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

ஞானேந்திரியம் – நாசி

வாசனை அறியவே நாசியின் வளியிலே
வடிவறியும் குணமுடைய தாய்
வாயறியும் சுவைமதி போயடையுங் காரண
வகையறியும் மணமுடையதாய்
மாசினை விலக்கியே மூச்சினைப் பழக்கியே
மனமமைதி தரவருவ தால்
மண்பரவு சுகந்தமே நுண்ணறிய வைத்திடும்
மாண்பினை வேண்டு கின்றேன்
பூசனை அறிகிலேன் போதனை பெறுகிலேன்
புனர்வாழ்வு ஏதறிகிலேன்
பூர்வத்தில் செய்தநற் கார்யத் தாலேயே
புண்ணியா உன்னை அறிவேன்
தாசனைத் தனயனைத் தயவிலுன தடியினைத்
தாங்கிடும் ஏழை இவனைத்
தக்கவனாய் தருமநெறி மிக்கவனாய் மாற்றுக
தட்சிணா மூர்த்தி குருவே