ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

ஐந்துறைவாயு – ஸமானவாயு

உதரத்தில் நிறையும் உணவமுது கறையும்
உருசீ ரணமாக உதவும்
உருசத்துப் பிரியும் சரிசத்துப் பரவும்
உருவாகும் அணுவில் ஆக்கும்
அதரத்தில் சுவையும் அந்தத்தில் பசியும்
ஆக்கிஉரு வாக்கி நேயம்
ஆதார மாகவுடல் தாதாய் அமைவது
அருஞ் சமான வாயு
மதுரத்தில் பூவில் மாய்கின்ற வண்டாய்
மாயத்தில் மோகத்தில் நான்
மாளாமல் உடலெனும் கோளான சாதனம்
மண்ணுலகு பயன் படுத்த
சதுரத்தில் சதுரமாய் சரிநிகர பொருத்தமாய்
சாதித்து வாழ வேண்டும்
சனகாதி முனிவரின் கனகாதி வள்ளலே
சங்கரா சிவ சம்புவே