ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

ஐந்துறைவாயு – வியானவாயு

தொட்டநிலை பட்டசுகம் சுட்டவடு கிட்டவளி
மொத்தவுணர் வத்தனையுங் காட்டும்
தோலின்அரு காமையிருந் தாளும்உடல் ஓடும்
தோற்றமிது காற்று வடிவம்
திட்டமுடன் நட்டநடு விட்டமிது தண்டுவடம்
திரியுமிது உயிரின் உணர்வாய்
தினவிலது வ்யானமெனும் திறனும்நல மாகட்டும்
தெய்வமுன தருள்உபயந் தான்
பட்டவினை கிட்டும்விலை கெட்டநிலை ஆகாது
பரசிவனே காக்க வேண்டும்
பகலவனாய் குருபரனாய் புகலுமொழி மோனத்தில்
பக்கத்தில் சேர்க்க வேண்டும்
கட்டளையே கிட்டியது கருணைவிழி எட்டியது
காலடியை மேலமர்த்த வா
காலம்அனு கூலமெனக் காட்டுங்கரு ணாகரனே
காதலினி மேலுனது தாள்