ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

அந்தகரணம் – புத்தி

எண்ணும் எழுத்தும் ஏட்டுக் கல்வியும்
எத்துணை படித்த போதும்
எதிர்காலம் ஏதென்று தெரியாத வேதனை
ஏனிந்த மதி வாதனை
பண்ணும் பரதமும் பலகலை அறிவியல்
பாடம் படித்தும் என்ன
பதவியும் பட்டமும் உதவுமோ நமனுடை
பரீட்சை விதித்த நாளே
விண்ணும் விளைபயிர் வித்தும் முளையணு
விதமும் உயிரும் பலவும்
விஞ்ஞான மென்பதும் மெஞ்ஞான மிழப்பதும்
விவேகம் என்றாகு மோ?
கண்ணும் காணாதநிலை கடவுள்நான் நானெனக்
கற்பதே புத்தி அழகு
கடவுளுன தருளுபயம் திடமெனது சத்தியம்
கல்லால் அமர்ந்த தேவே