ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

அந்தகரணம் – அகங்காரம்

நான் நானெனும் வீண் ஆணவம்
தான் தன்னுள் காணும்
நன வானது கன வாயினும்
நிஜமா மெனு மாயம்
ஊனா னதும் உடலா னதும்
உண்மை எனும் பாரம்
உணர்வோ மதி உணரா தது
உதிரும் அகங் காரம்
நான் யார்அது நீயே யெனும்
ஞானம் வர வேண்டும்
நம னாயுதம் வரும் நாளிலும்
சிவநாமந் துணை யாகும்
வான் மாலனும் மண் நான்முகன்
காணா தணா மலையே
வடிவே குரு பரனே அருள்
வாடா மலர் முகனே