ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

மண்

மண்ணுலகு என்பதொரு மாயாவி நோதமே
மாபூத மைந்தின் மையம்
மருவிடும் உயிர்க்கெலா முருவமுஞ் சமைத்திடும்
மண்பாண்ட மென்ப தையம்
எண்ணளவு மில்லையிது ஏற்புடைய தாகவுயிர்
எழுச்சிக்கு வைத்த டு
எண்புறமும் விண்வெளியில் கண்பரவும் வரையிலே
ஏதொன்று மில்லை ஈடு
உண்ணுவது முடுப்பதும் ஓடியே உழைப்பதும்
உயர்வதும் அயர்வ தான
உலகியல் யாவுமே நிலவிடப் பொறுமையாய்
உதவிக்கு வைத்த வையம்
பண்ணுதற் கரியனே பரமனே கருணையால்
படைத்துக் கிடைத்த காயம்
பாவித்து நானுலகைச் சேவிக்க வேண்டினேன்
பரசிவனே ஞான குருவே