ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

கர்மேந்திரியம் – கை

கைஎன்ப தோர்கரும யந்திரம் தினசரி
காரிய மாற்றும் கருவி
கரங்களே வருங்கால வரங்களே தருவது
கறைபடி யாது கருதி
செய்வதே கையிதால் செய்கை என்றானது
செல்வம் ஈட்டி உதவி
சேருவர் இடத்திலே சேர்த்துக் கொடுத்திடும்
சிறப்பினால் சிவக்கும் உறுதி
மெய்வழி காட்டவும் மெலியர்துணை கூட்டவும்
மேலோர் முன்கூப்ப வும்
மெதுவாய் இணையவும் இதமாய் உதவவும்
மென்கவிதை நன்கெழு தவும்
ஐங்கர னய்யனே ஆதிகுரு சங்கரா
ஆதரித் தருள வேண்டும்
அழகுவிழி மலரனைய நிலவுநகை முகமினிய
ஆதிகுரு வான கலையே