ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

ஐந்துறைவாயு – அபான வாயு

சரியளவு சக்தியும் சரீர சுத்தியும்
சாற்றமுது தேற்றறி தலும்
சாதனமே ஆனதுடற் சேதனமே குறையான
சங்கடம் விலக்கு நிலையும்
கரியமில வாயுவென உயிரறியும் மூச்சினால்
கரைத்துவிட முயற்சி யிதனால்
கைங்கர்ய மாற்றுமிச் செளகர்ய மானது
கடைவாசல் காக்க வேண்டும்
பரிவுடைய தயவினால் பரசிவ னருளினால்
பழுதிலா துடல் உதவியால்
பக்குவ மடையவும் நற்குண அமைதியும்
பரிபூரண நல மருளவும்
திரியளவு மனமுதிர தெரியுமதி ஜோதியே
தீபம் ஏற்றி அருள்க
தென்னவனே நிலவனைய புன்னகையி லாசனே
தேவகுரு வான வடிவே