ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

கர்மேந்திரியம் – இனக்குறி

விதவிதமாய் உருவம் விளைபயிரும் மிருகம்
விண்பறவை மண்பிறக்க லாகும்
வித்தெனவே சத்துணர்வு தத்திணைய லாகும்
விந்தெனவே தந்தவர மாகும்
சதிபதியாய்த் தம்பதியாய் சந்ததியாய் வாழும்
சத்தியமே ஜீவனுரு வாகும்
சாருமதி நீருறையச் சேருமிட மாகும்
சரிகிரியா சக்தியது வாகும்
புதுநிதியே புண்ணியனே பூவுலகங் காக்க
புத்திரனைப் பூமகளைத் தருக
பூத்தமலர் தேத்தமிழை நாத்தளரக் கூட்ட
புன்னகையே மன்னவனே காட்ட
பதிமதியே சிரம்வதியும் பசுபதியே ஹரனே
பரசிவனே தென்முகனே வருக
கதியினியே நினதுமலர்க் காலடியே தேவே
கல்லால் அமர்ந்தெனக்கு அருள்க